ऐतिहासिक दलपत सागर म बोटिंग के सुविधा चालू

जगदलपुर, 27 जनवरी 2021। मुख्यमंत्री श्री भूपेश बघेल के कर कमल ले 26 जनवरी के महिला स्व-सहायता समूह अऊ मछुआ समिति ल पैडल बोट अऊ नाव देहे गए रहिस। महिला स्व-सहायता समूह अऊ मछुआ समिति कोति ले बोटिंग के सुविधा बुधवार ले दलपत सागर म आम जनता बर चालू कर दे गीस हे। जिला प्रशासन अऊ नगर निगम के उदीम ले दलपत सागर के जलकुंभी के सफाई करवाए जात हे, अब ये ऐतिहासिक तालाब म पैडल बोट, नाव के सुविधा ले शहर म मनोरंजन के एक अऊ केंद्र मिल गीस। संगेच मछुआ समिति अऊ महिला स्व-सहायता समूह ल रोजगार के अवसर मिले हे।
बुधवार के भिनसरहा नगर निगम आयुक्त श्री प्रेम पटेल ह बोटिंग व्यवस्था मन के जायजा लेके अऊ आम जनता बर बोटिंग के सुविधा चालू करे बर महिला समूह अऊ मछुआ समिति ल शुभकामना देवत बोटिंग के मजा लीन।