महान संत कबीर साहेब के पवित्र धाम दामाखेड़ा आश्रम म पर्यटन मंत्री राजेश अग्रवाल के धर्मगुरु प्रकाश मुनिनाम ले करिन सौजन्य भेंट

धार्मिक अऊ सामाजिक विषय मन उपर म होइस गोठ-बात
सिमगा, महान संत कबीर साहेब जी के पावन स्थल दामाखेड़ा आश्रम म संस्कृति मंत्री श्री राजेश अग्रवाल ह श्री प्रकाश मुनिनाम साहेब जी ले सौजन्य भेंट करके आशीर्वाद प्राप्त करिन। ए बेरा म धार्मिक विषय मन के संगे-संग कई ठन सामाजिक विषय मन उपर म घलोक गहन चर्चा होइस।
कार्यक्रम म उप मुख्यमंत्री श्री विजय शर्मा, कैबिनेट मंत्री श्री केदार कश्यप, कैबिनेट मंत्री श्री ओ पी चौधरी, विधायक श्रीमती भावना बोहरा, श्री किरण सिंह देव अऊ श्री कृष्णा राय घलोक उपस्थित रहिन। सबो मन ह संत कबीर अऊ ऊंखर उपदेश के अभी हाल समाज म प्रासंगिकता के बारे म विचार साझा करिन।
धर्मगुरु प्रकाश मुनिनाम साहेब जी ह कहिन के संत कबीर जी के संदेश आजो अज्ञानता अऊ भेदभाव मिटाय म हम सबो खातिर मार्गदर्शक हे। उमन पर्यटन मंत्री श्री राजेश अग्रवाल के धार्मिक अऊ सांस्कृतिक काम मन के सराहना करिन। मंत्री श्री अग्रवाल ह कहिन के इहां आए ले ओ मन ल आध्यात्मिक बल मिले हे।
उप मुख्यमंत्री विजय शर्मा ह घलोक कहिन के धार्मिक मेलजोल अऊ सामाजिक समरसता खातिर अइसन आश्रम अऊ पावन स्थल महत्वपूर्ण हे। कल्याणकारी योजना मन म धर्म  अउ  संस्कृति के संतुलन बनाए रखना जरूरी हे।