छत्तीसगढ़ के पहली जेसीबी वूमेन ल एक्सपो बर जापान ले बुलावा, मुख्यमंत्री ह कहिन जापान जाय सामान पैक कर लव, हम आप ल भेजेंगे टोक्यो

Damayanti Soni is the first woman in Chhattisgarh who drives a JCB.

रायपुर, 27 जून 2024। राजनांदगांव ले आए दमयंती सोनी 61 साल के हे अऊ छत्तीसगढ़ के पहली अइसन महिला हे जेन जेसीबी चलाथे। ओ न केवल फर्राटे से जेसीबी चलाथे भलुक देश भर के एक्सपो मन म वोला भाग लेहे बर बलाए जाथे। अइसनहे जापान ले उमन ल बुलावा आए हे फेर कुछ आर्थिक दिक्कत के सेती ले वो ह एक्सपो म सामिल नइ हो पावत हे। दमयंती सोनी ह अपन दिक्कत मुख्यमंत्री श्री विष्णु देव साय के आगूष रखीस।
मुख्यमंत्री ह ओ ल आश्वस्त करीस के आप छत्तीसगढ़ के नाम देश भर म रोशन करत हव। आप सामान पैक करव, सरकार आप ल जापान भेजही। आप मन तैयारी करव। दमयंती ह बताइस कि मुख्यमंत्री ले मुलाकात करके बहुत अच्छा लागीस। साल 2012 म पति के निधन के बाद ले ओ ह जेसीबी चलावत हे। वो ह देश भर म बहुत अकन एक्सपो म भाग लेहे हे अऊ बहुत अकन कंपनी मन के संग ए संबंध म काम करत हे। 61 साल के दमयंती ह कहिस के अवइया 4 बछर तक ओ ह जेसीबी चलात रइही।
मुख्यमंत्री ह दमयंती के काम ल हरावत कहिन कि आप मन छत्तीसगढ़ के महिला मन बर रोलमॉडल हव। जनदर्शन के माध्यम ले आपसे मुलाकात होइस, आप मन अइसनहे महिला मन ल प्रोत्साहित करत रहव।