- कबड्डी, गेड़ी, भौंरा ले युवा बनाहीं जोशिला वातावरण
- समृ़द्ध अउ संपन्न छत्तीसगढ़ के वेशभूषा अऊ आभूषण के होही प्रदर्शन
जांजगीर-चांपा, छत्तीसगढ़ सरकार कोति ले युवा महोत्सव के आयोजन स्वामी विवेकानंद जयंती के दिन ले करे जाही। संपन्न अउ समृद्ध छत्तीसगढ़ ल मंच म देखाय के प्रयास करे जाही। इहां के परंपरागत पकवान, वेशभूषा, खेल, नृत्य, गीत अउ तीज तिहार के प्रदर्शन होही। महोत्सव के समय छत्तीसगढ़ के पारंपरिक पकवान के खुशबु ले महकही राजधानी। राउत नाचा, सुआ गीत, डंडा नाच, गेड़ी नाच, पंथी नृत्य ले बनही छत्तीसगढ़ के तिहार के माहौल। अइसनहे युवा मन के प्रिय भौंरा, खो-खो, कबड्डी के खेल मनखे मन मे जोश भर देही। समृ़द्ध अउ संपन्न छत्तीसगढ़ के पारंपरिक वेशभूषा अऊ आभूषण के घलोक प्रदर्शन युवा मन करहीं।