3 लाख रूपए के पेवर ब्लॉक ब मिलिस आर्डर
रायपुर, 30 अगस्त 2023
अपन गांव में ही युवा मन ल रोजगार के अवसर प्रदान कर उमन ल आत्मनिर्भर बनाए के मुहिम छत्तीसगढ़ में चलाए जाथ हे। रीपा के माध्यम ले बडे़ संख्या में युवा स्वरोजगार ले जुड़ के आर्थिक रूप से सक्षम बनत हे। इ कड़ी में दुर्ग जिला के धमधा विकासखण्ड में 2 करोड़ रूपिया के लागत ले दानीकोकड़ी गाँव में लगभग तीन एकड़ क्षेत्र में रीपा केन्द्र स्थापित करे गए हे। इहां शिक्षित युवा मन द्वारा बड़े पैमाना म पेवर ब्लॉक यूनिट तियार करे जाथ हे। सुरूआत में उत्पादन कम होत रहिस हे। लेकिन फेर काम के विस्तार होए से उत्पादकता में बढ़ोतरी होइस हे। एकर से जादा ले जादा युवक-युवति मन ल रोजगार मिलत हे, जेकर से वोमन आत्मनिर्भर बनत हे।
ग्राम पंचायत दानीकोकड़ी में स्थित महात्मा गांधी रूरल इंडस्ट्रियल पार्क (रीपा) ले इहां के आस-पास के बेरोजगार मन ल रोजगार के खोज में कहु दूरिहा नई जाए ल परत हे। उमन ल ट्रेनिंग के बाद अपन गांव के तिर मे ही रोजगार मिलत हे। पेवर ब्लॉक निर्माण करत संजय कुमार, टीकम साहू, प्रीतम साहू, जागेश्वर साहू, धन साहू, धनेश्वरी साहू, त्रिवेणी साहू ह मुख्यमंत्री श्री भूपेश बघेल ल धन्यवाद देत हुए कहिस कि महात्मा गांधी रूरल इंडस्ट्रियल पार्क (रीपा) के स्थापना ले उमन के जीवन स्तर में ब्बेच सुधार आईस हे।
दानीकोकड़ी के रीपा मैनेजर श्री रोमलाल पटेल ह बताइस कि पेवर ब्लॉक यूनिट निर्माण करे ब इहां छोटे-बडे़ मशीन लगे हावय, जेमा सरलग युवा मन ह पेवर ब्लॉक तियार करत हे। ओ ह बताइस कि ग्राम मोहंदी ले लगभग 3 लाख रूपिया के पेवर ब्लॉक के आर्डर मिले हावय। 31 हजार 500 नग पेवर ब्लॉक सप्लाई करना हे। वर्तमान में 16 हजार 500 नग पेवर ब्लॉक बन गए हे । पेवर ब्लॉक निर्माण करे ब 15 लोगन मन ल रोजगार मिले हे। प्रति दिन 1000 से 1500 तक पेवर ब्लॉक ले निर्माण करे जाथ हे। पेवर ब्लॉक ले सरकारी अउ गैर सरकारी सब्बो जघा ले अबड़ जादा मांग आत हे। एकर पूर्ति करे व अउ लोगन मन ल रोजगार दिए जाही। इहां बुता करे वाले युवक-युवति मन ल लगभग 5 हजार रूपिया तक के मासिक आय प्राप्त होवत हे, जेकर से उमन ह जीवन में खुशहाली आईस हे।