निर्माणाधीन माँ दंतेश्वरी मक्का प्लांट ल देख के क्षेत्र के किसान मन म उत्साह

कोण्डागांव, जिला मुख्यालय ले 14 किलोमीटर दूरिहा कोकोड़ी गांव म बनत माँ दंतेश्वरी मक्का प्रसंस्करण प्लांट के जिला के बड़ेकुरूसनार के किसान मन ह भ्रमण करिन। जेमां किसान मन ह निर्माणाधीन प्लांट के बारे म जानिन। प्लांट के इंचार्ज अधिकारी रवि ह किसान मन ल पूरा प्लांट के भ्रमण करात प्लांट के बारे म बारीकी ले किसान मन ल बताइस। अभी हाल म प्लांट के फर्मेटेंशन टैंक के सिविल वर्क करीबन पूरा हे संगेच लिक्विफिकेशन टैंक, कूलिंग टावर, स्टोरेज टैंक, एमसीसी रूम, पावर प्लांट निर्माण, साईलो निर्माण के काम अभी तीव्र गति ले चलाए जात हे। किसान निर्माणाधीन प्लांट ल देख के बहुत खुश होइन। प्लांट के इंचार्ज ह किसान मन ल बताइस के प्लांट निर्माण के काम तेजी ले चलत हे अऊ जून महिना म निर्माण काम पूरा करके प्लांट चालू कर दे जाही।