दंतेवाडा जिला ल पिछड़ा जिला के अभिशाप ले मुक्ति देवाये के संकल्प

रायपुर, मुख्यमंत्री श्री बघेल ह राष्ट्रीय आदिवासी नृत्य महोत्सव के उद्घाटन बेरा म लोक सभा सांसद श्री राहुल गांधी के उपस्थिति म दंतेवाड़ा जिला म गरीबी रेखा के प्रतिशत राष्ट्रीय औसत ले कम करे के संकल्प लीन। अभी हाल म दंतेवाड़ा जिला म 60 मनखे गरीबी रेखा के नीचे जीवन यापन करत हे जबकि राष्ट्रीय औसत 22 प्रतिशत हे। मुख्यमंत्री श्री भूपेश बघेल अऊ मंत्रिमण्डल के सबो सदस्य मन ह अवइया 4 बछर म एला राष्ट्रीय औसत ले कम करे के संकल्प लेहे हें, ताकि दंतेवाडा जिला ल सार्वधिक पिछड़ा जिला होए के कलंक ले मुक्ति मिल सकय।
मुख्यमंत्री ह कहिन कि आदिवासी मन के देवगुड़ी, घोटुल परम्परा संग उंखर समृृद्ध संस्कृति के संरक्षण बर सरलग उदीम करे जात हे। हम संविधान म विश्वास करइया मनखे आन। हम अदिवासी, पिछडे, गरीब अऊ महिला मन ल ऊंखर संविधान प्रदत्त अधिकार देवाए बर कृत संकल्पित हे। कार्यक्रम म संस्कृति मंत्री श्री अमरजीत भगत ह आभार व्यक्त करिन।