दंतेवाड़ा जिला प्रशासन ह आत्मसमर्पित नक्सली मन ल जीवकोपार्जन बर उपलब्‍ध कराईस स्वरोजगार

दंतेवाड़ा, 03 सितमबर 2020। नक्सल प्रभावित क्षेत्र दंतेवाड़ा म पहली पइत नक्सली मन ल कलेक्टर श्री दीपक सोनी के हुकुम म जिला प्रशासन ह रोजगार के कई अवसर प्रदान करत हे। लोन वर्राटू अभियान के अंतर्गत आत्मसमर्पित नक्सली मन ल जीविकोपार्जन बर जिला प्रशासन ह स्वरोजगार उपलब्‍ध करावत हे। एन आर एल एम म ओ मन ल सदस्यता देहे गए हे अऊ संगेच म उंखर आधार कार्ड जॉब कार्ड बनाए गए हे। जेखर से ओ मन ल शासन के योजना मन के लाभ देहे जा सकेय। जऊन मनखे मुर्गी पालन, बकरी पालन करना चाहत हें ओ मन ल शेड निर्माण करके पालन बर चिंया अऊ बकरी देहे जात हे। जऊन समूह खेती करना चाहता हे ओ मन ल ट्रैक्टर देहे गए हे। मनरेगा ले रोजगार तको देहे जात हे। एकरे संग किराना दुकान खोले बर ऋण के घलोक स्वीकृति देहे जात हे। श्री बामन उर्फ पाकलू पिता बूमा मड़काम जऊन ग्राम किडरीरास, कुआकोण्डा के निवासी हे अऊ उदेला के श्री बुधराम तामो ल जॉब कार्ड अऊ आदिवासी स्वरोजगार के अंतर्गत किराना दुकान शेड बर ऋण प्रदान करे गए हे। ग्राम उदेला के श्री भीमाराम तामो ल उद्यानिकी विभाग ह सब्जी बीज प्रदान केरे हे अऊ कृषि विभाग ह फेंसिंग तार बाड़ी के काम करवात हे। ग्राम माहराकरका के श्रीमती हुर्रे बारसे अऊ सुश्री माड़के बारसे ल एनआरएलएम म सदस्यता मिले हे जेखर से ओ मन ल स्व सहायता समूह ले रोजगार मिलत हे। 18 मनखे मन बर बकरी पालन, मुर्गी पालन बर मनरेगा योजना अंतर्गत शेड निर्माण अऊ आन मनखे मन ल स्वरोजगार ले जोड़े के काम बर जिला प्रशासन ह 7 लाख 41 हजार ले जादा के राशि स्वीकृत करे हे। लोन वर्राटू अभियान के तहत नक्सली मन के आत्मसमर्पण जारी हे अऊ जिला प्रशासन घलोक ओ मन ल रोजगार के अवसर प्रदान करके समाज के मुख्य धारा ले जोड़े के काम करत हे।