दंतेवाड़ा, जिला म लइका मन के बेहतर स्वास्थ्य बर महिला अऊ बाल विकास विभाग कोति ले महत्वपूर्ण अऊ लाभदाई योजना मुख्यमंत्री बाल संदर्भ योजना संचालित हे। कलेक्टर श्री दीपक सोनी के कुशल मार्ग-दर्शन म बाल संदर्भ शिविर के आयोजन करके राज्य सरकार के महत्वकांक्षी मुख्यमंत्री बाल संदर्भ योजना के माध्यम ले लाभान्वित करे गए हे। जिला दन्तेवाड़ा अंतर्गत एकीकृत बाल विकास परियोजना कुआकोण्डा, म सेक्टर पालनार के बैहापारा ले (आलोक, उमर 11 महिना, माता बुधरी, पिता हुंगा) ल चिन्हित करे गीस, ओ लइका के कान म जनम ले ही ट्यूमर रहिस, जेन ल स्वास्थ्य विभाग के सहयोग ले सफल ऑपरेशन करवाके निकाले गीस। अऊ ओ लइका के जान बचाए गीस।
आज आलोक पूरा स्वस्थ हे, अऊ ओखर माता-पिता अपन लइका ल स्वस्थ देखके बहुत खुश हे। गंभीर कुपोषित लइका मन ल कुपोषण के चक्र ले बाहिर लाके कुपोषण के दर म कमी लाय बर योजना के संचालन करे जात हे। योजना के तहत गंभीर कुपोषित अऊ संकटग्रस्त लइका मन ल चिकित्सकीय परीक्षण के सुविधा प्रदान करे जात हे। चिकित्सक के लिखे दवइ अऊ आवश्यकतानुसार बाल रोग के जानकार के परामर्श के सुविधा उपलब्ध कराए जात हे। ये योजना के तहत कुपोषित लइका मन के स्वास्थ्य जांच बर परियोजना के हर एक सेक्टर ले सबो ग्राम पंचायत मन म मुख्यमंत्री बाल संदर्भ मेला आयोजित करके कुपोषित अऊ गंभीर बिमारी ले ग्रसित लइका मन के पहिचान करके उमन ल उपचार देहे जात हे। आलोक के माता-पिता ह बाल संदर्भ योजना संचालित करे बर विभाग अऊ मुख्यमंत्री श्री भूपेश बघेल के आभार व्यक्त करे हे।
बदलत दन्तेवाड़ाः मुख्यमंत्री बाल संदर्भ योजना अंतर्गत आलोक ल मिलीस नवा जिंदगी
