दंतेवाड़ा: जिला के दूरिहा के ग्राम पंचायत मन म पहुंचीस कला जत्था अऊ एलईडी वैन

दंतेवाड़ा, 16 फरवरी 2024। छत्तीसगढ़ सरकार के जनकल्याणकारी योजना मन के जानकारी मनखे मन तक पहुंचाए बर कला जत्था टीम अउ एलईडी वैन जुटी गए हे। अऊ जिला के सौ ले जादा ग्राम पंचायत अऊ हाट-बाजार मन म पहुंचके मनखे मन ल सरकार के जनहितकारी योजना मन ले रूबरू करावत हे। प्रचार-प्रसार रथ (एलईडी वाहन) के संग ग्रामीण स्तर म योजना मन के पहुंच सुगम बनाए जनसम्पर्क विभाग कोती ले सबो ब्लॉक के चिन्हांकित गांव मन म भेजे जात हे अऊ स्थानीय ‘‘नेगमुदिलाय नयानार‘‘ सांस्कृतिक संस्था कला जत्था के टीम के संग आकर्षक कार्यक्रम के प्रस्तुति दे के आमजन ल योजना मन के जानकारी देहे जात हे। ए कड़ी म एलईडी वाहन अउ लोक कलाकार मन के टीम संघरा जिला के विकासखंड के ग्राम खुंटेपाल, नकुलनार म योजना मन के प्रचार-प्रसार के तहत जादा ले जादा मनखे मन ल सरकार के योजना मन ले जुड़े अउ लाभ उठाए खातिर प्रेरित करत हे अऊ ओ गांव के निवासी मन ह घलोक उत्साहपूर्वक सहभागिता देखात भारी हुजुम म कार्यक्रम म शिरकत करत हे।