उपमुख्यमंत्री ल परिवार के बहिनी मन ह बांधीन राखी
उपमुख्यमंत्री ले अपन निवास परिसर म मुलाकात ले परिवार होइन प्रफुल्लित
दंतेवाड़ा, 16 अगस्त 2024। 78 वां स्वतंत्रता दिवस समारोह के उपलक्ष म उपमुख्यमंत्री माननीय श्री विजय शर्मा ह जिला दक्षिण बस्तर दंतेवाड़ा के कारली म स्थित लोन वर्राटु ( आत्मार्पित माओवादी मन के पुनर्वास अभियान) हब म रहइया आत्म समर्पित नक्सली मन अउ नक्सल पीड़ित परिवार मन ले मुलाकात करके स्वतंत्रता दिवस के शुभकामना दीन। संगेच ऊंखर आत्मसमर्पण ले पहिली के ऊंखर जीवन ले जुड़े घटना के जानकारी लीन अऊ उंखर समस्या मन ल सुने के साथ पहिली अऊ अब ऊंखर जीवन म आए बदलाव मन ल जानिन, ए मौका म उपमुख्यमंत्री श्री विजय शर्मा जी ल अपन निवास परिसर म ही मिलके पीड़ित अउ आत्मसमर्पित नक्सली परिवार हर्षित होइन। ए अवसर म आत्मसमर्पित नक्सली मन अउ पीड़ित बहिनी मन ह उप मुख्यमंत्री के कलाई म राखी बांधीन। ए बेरा म उपमुख्यमंत्री श्री विजय शर्मा ह घलोक महिला मन ल उंखर समस्या मन के संबंध म हर संभव मदद करे बर घलोक आश्वस्त करिन। ए मौका म चित्रकोट विधायक श्री विनायक गोयल, दंतेवाड़ा विधायक श्री चैतराम अटामी संग आन जन प्रतिनिधि, बस्तर संभाग आयुक्त श्री डोमन सिंह, बस्तर आईजी श्री पी. सुंदरराज, डीआईजी दंतेवाड़ा श्री कमलोचन कश्यप, दंतेवाड़ा कलेक्टर श्री मयंक चतुर्वेदी, दंतेवाड़ा पुलिस अधीक्षक श्री गौरव राय उपस्थित रहिन।
