कुपोषण ल मात देके बालक बृजलाल होइस स्वस्थ

दंतेवाड़ा, 05 मार्च 2021। राज्य सरकार कोति ले कुपोषण के खिलाफ छेड़े गए मुहिम ह कई लइका मन ल नवा जिंदगी देहे हे। छत्तीसगढ़ के कोना-कोना ले खासकर वनांचल के इलाका मन ले अइसन खबर आवत हे जे ह हिरदे ल हुलसावत हे। महात्मा गांधी जयंती के अवसर म लागू करे गए मुख्यमंत्री सुपोषण अभियान ले अब तक 67 हजार ले जादा लइका सुपोसित होए हें। इही कड़ी म दंतेवाड़ा जिला के कुआकोण्डा विकासखण्ड ग्राम टिकनपाल भाटीपारा के 11 महिना के बालक बृजलाल जेन ह कुछ महिना पहिली कुपोषित रहिस अब उचित देखभाल अऊ खानपान के ले स्वस्थ हो गए हे।
माँ सुकमती अऊ पिता पोड़िया अपन बेटा बृजलाल के स्वास्थ्य ल लेके अड़बड़ चिंता करत रहिन। 28 दिसम्बर के आयोजित मुख्यमंत्री बाल संदर्भ मेला म बालक के स्थिति ल देखत चिकित्सक मन ओला एनआरसी कुआकोण्डा रेफर करिन। भर्ती करे के बेरा म बृजलाल के वजन मात्र 3.840 किलोग्राम रहिस। शिशुरोग के खांटी जानकार के मार्गदर्शन म 13 जनवरी के छुटटी के बेरा ओखर वजन 4.960 किलोग्राम हो गीस। आंगनबाड़ी कार्यकर्ता अउ सेक्टर सुपरवाईजर ह घर जाके लइका के उचित देखभाल बर जरूरी सलाह देहे जात रहिस। अभी हाल म बृजलाल के वजन 5.255 किलोग्राम हो गए हे। ग्राम पंचायत गड़मीरी के पीछलीपारा म मुख्यमंत्री बाल संदर्भ मेला के अन्तर्गत अब तक 36 कुपोषित लइका मन ल लाभांन्वित करे गए हे अउ 3 लइका मन ल एनआरसी म रेफर करे गए हे।