प्रशासन के पहल ले अब जाति प्रमाण पत्र बनवाए ब नई काटे ब परे दफ्तर के चक्कर
अभी तक 18 हजार ले घलो जादा लइका मन ल मिलिस प्रमाण पत्र
दंतेवाड़ा, नेहा राठौर के खबर/ जिला म स्कूल म पढोईया लईका मन ल बड़ अराम मिलिस हे, जे पहिली जाति प्रमाण पत्र ब पटवारी, तहसीलदार ऑफिस के चक्कर लगात रहिस हे। कई परिवार अइसने घलो हे जेमन अबड़ बेर अउ कए दफा आफिस जाए ब लागथे कइके जाति प्रमाण पत्र बनवाए ब हिचकिचात रहिस हे, लेकिन कलेक्टर श्री विनीत नंदवार के दिशा निरदेश अउ सहायता ले जिला म जाति प्रमाण पत्र बनाए के काम ह सुचारू रूप ले चलत हे। जिला म 100 प्रतिशत जाति प्रमाण पत्र बनाए के लक्ष्य राखे गए हे।
जाति प्रमाण पत्र बने ले विद्यार्थी मन बड़ सरलता ले शासन के योजना मन के लाभ लेहे सकहि।
प्रदेश के मुखिया मुख्यमंत्री श्री बघेल के द्वारा अनुसूचित जाति, अनुसूचित जनजाति जइसे अउ अन्य वर्ग मन ब कई प्रकार के अलग अलग अलग योजना संचालित हावय लईका मन के जाति प्रमाण पत्र बने ले छात्रवृति पाए के संग अउ योजना मन के लाभ घलो असानी ले सकहि।
दंतेवाड़ा जिला प्रशासन के अइसे सराहनीय काम के सेती स्कूली लईका अउ ओमन के माता पिता मन ल कई घ दउड दउड के कार्यालय जाए ब नई परिस बल्कि शिक्षा विभाग अउ राजस्व विभाग के मन जाति प्रमाण पत्र ब जतको जरूरी काजग पाथा(दस्तावेज) के प्रबंध कर दिस अउ अभी तक 18 हजार 367 लईका मन ल जाति प्रमाण पत्र दिए जा चुके हे।
