दंतेवाड़ा  :  बदलत दंतेवाड़ाः नवा तस्वीर  :नहर के माध्यम ले खेत मन म पानी पहुंचे ले छाइस हरियाली

किसान मन के आय म होही वृद्धि, आही सुख समृद्धि अउ खुसहाली
 दंतेवाड़ा, 10 जुलाई 2023

 मुख्यमंत्री श्री भूपेश बघेल के मंशानुसार किसान मन के अर्थव्यवस्था ल सुधारे ब खेती के क्षेत्र म नवा-नवा योजना के विस्तार करे जाथ हे। जेकर से उमन ह जादा लाभ मिल सकय। एकर ब जिला प्रशासन घलो प्रयासरत हे जिला म कलेक्टर श्री विनीत नंदनवार के मार्गदर्शन म दंतेवाड़ा विकासखंड के ग्राम गुमड़ा म नहर निर्माण के बुता पूरा तरिका ले प्रगति म हे। व्यपवर्तन योजना अंतर्गत नहर लाइनिंग के बुता प्रगति म हे। जेकर लागत रुपिया 687.84 लाख हे। एकर से 04 गाँव म 1520 हेक्टेयर रकबा म सेंचई सुविधा सृजित होइस हे। जेकर से लगभग 139 किसान लाभान्वित होवत हे। उक्त योजना म मुख्य नहर के कुल लंबाई 12,120 मी. हे अउ जेमा 04 शाखा नहर 1 गुमड़ा शाखा नहर के लम्बाई 1860 मीटर, बालपेट शाखा नहर-1 की लम्बाई 960 मीटर हे, बालपेट शाखा नहर -2 के लम्बाई 780 मीटर अउ भैरमबंद शाखा नहर के लम्बाई 1440 मीटर हे। योजना ले रबी फसल ह जनवरी महीना ले 10 अप्रैल 2023 के मध्य 07 किली मीटर तक सेंचई ब पानी उपलब्ध कराय गए रहिस। एकर से धान के पैदावार घलो बाढ़ही। फसल के उत्पादकता बाढ़े ले किसान के आमदनी म बढ़ोतरी होही। नहर से जुड़े किसान मन म हर्ष व्याप्त हे। लगभग 400 किसान मन ल एकर सीधा फायदा मिलही। पानी आने के बाद अब सुक्खा के समस्या घलो सिरा गईस हे उहें समे समे म सेंचई सुविधा के मिले ले उत्पादन बाढ़ही। राज्य सरकार द्वारा सिंचाई योजना के तहत किसान मन ल अबड़ राहत मिलिस हे।
Success story
Neha Rathore