प्रधानमंत्री रोजगार सृजन कार्यक्रम ले करजा लेके दीपक जयसवाल बनिस सफल उद्यमी

दंतेवाड़ा,17 दिसम्बर 2020। प्रधानमंत्री रोजगार सृजन कार्यक्रम ल समाज के आखरी छोर के मनखे तक पहुंचाए के लक्ष्य रखे गए हे। इही कड़ी म ये योजना ले गीदम निवासी दीपक जयसवाल ल प्रधानमंत्री रोजगार सृजन कार्यक्रम के तहत शाखा भारतीय स्टेट बैंक गीदम जिला दंतेवाड़ा कोति ले 6.50 लाख के लोन जिला व्यापार अऊ उद्योग केंद्र ले तियार करके भेजे गए रहिस। दीपक ल करजा मिलिस अऊ एकर बाद वो ह आज अभी के हाल म फैब्रिकेशन वर्क (इंजीनियरिंग वर्कशॉप) बने-बने चलावत हे। ओखर प्रकरण भारतीय स्टेट बैंक गीदम म भेजे गए रहिस जेमा 6.50 लाख रूपिया के करजा देहे के बात रहिस। ओ ल एकर बर मार्जिनमनी 1.62 लाख रूपिया देहे गीस। दीपक जायसवाल ल वित्तीय साल 2018 म प्रधानमंत्री रोजगार सृजन कार्यक्रम के तहत लोन देहे गीस अऊ वो आज एक सफल उद्यमी के रूप म उभर के आगू आए हे।
दीपक ल शुरु म अड़बड़ दिक्कत के सामना करना परिस फेर वो ह हार नइ मानिस अऊ सरलग काम करत रहिस। आखिर आज वो ह एक सफल उद्यमी बनके उभरिस। वो ह अपन काम ल अऊ बढ़ा देहे हे, फेब्रिकेशन के संगेच वो ह टैक्टर बाड़ी के काम घलोक करत हे। आज वोखर आमदनी 50 हजार ले 60 हजार तक होवत हे। दीपक जायसवाल ह अपन इंजीनियरिंग वर्कशॉप ल अऊ आन जगा म घलोक लगाय के उदीम करत हे।