रायगढ़ बैंक डकैती सुलझाए वाले पुलिस कर्मी मन ल मिलही सम्मान अउ बिसेस प्रोत्साहन : मुख्यमंत्री श्री भूपेश बघेल

पुलिस कर्मी मन ल आउट आफ टर्न प्रमोशन, सैलरी इंक्रीमेंट, नकद पुरस्कार अउ प्रशस्ति पत्र से करे जाही सम्मानित
रायगढ़ अउ बलरामपुर के पुलिस अधीक्षक ह पुलिस कर्मी मन के संग मुख्यमंत्री के जताइस आभार
रायपुर, 30 सितंबर 2023
मुख्यमंत्री श्री भूपेश बघेल ह रायगढ़ जिला के एक्सिस बैंक डकैती केस ल 24 घंटा के भीतर सुलझाए वाले रायगढ़ अउ बलरामपुर जिला के पुलिस मन ब सम्मान अउ बिसेस प्रोत्साहन देहे के गोठ कहिस हे। बिहार के गैंग ह रायगढ़ जिला के एक्सिस बैंक में करोड़ों रूपिया के डकैती करे रहिस हे। फेर छत्तीसगढ़ पुलिस के तत्परता अउ आपसी सामंजस्य होए से बैंक डकैती करे वाले गैंग ल 24 घंटा के भीतर ही शत प्रतिशत रकम के संग पकड़ डारिस।
छत्तीसगढ़ पुलिस द्वारा ए डकैती ल सुलझाए अउ बिहार के बैंक डकैती गैंग ल धरे के गए ले छत्तीसगढ़ के पुलिस महानिदेशक श्री अशोक जुनेजा ह ए केस में सराहनीय काम करे वाले पुलिस कर्मी ल आउट आफ टर्न प्रमोशन, सैलरी इंक्रीमेंट, नकद पुरस्कार अउ प्रशस्ति पत्र से सम्मानित करे के अनुशंसा करिस हे, जेला मुख्यमंत्री श्री भूपेश बघेल ह यथावत स्वीकार करे के बात कहिस हे।
मुख्यमंत्री श्री भूपेश बघेल ह कहिस हे कि छत्तीसगढ़ पुलिस अपन पूरा कर्तव्यनिष्ठा से काम करत हे अउ उत्कृष्ट कार्य के सम्मान उमन ल मिलना चाहि। ए अवसर म रायगढ़ जिला के वरिष्ठ पुलिस अधीक्षक श्री सदानंद कुमार अउ बलरामपुर जिला के पुलिस अधीक्षक श्री लाल उमेद सिंह ह बैंक डकैती सुलझाए में शामिल पुलिस कर्मी मन के संग मुख्यमंत्री ल धन्यवाद देत हुए उकर आभार प्रकट करिस हे।