सोमप्रसाद के जीवन म उद्यानिकी खेती ले आइस बदलाव

सक्ति , मुख्यमंत्री श्री विष्णु देव साय के अगुवई म प्रदेश सरकार ह किसान मन के हित म बहुत अकन कदम उठावत हे एखर से किसान मन के जीवन स्तर म सुधार आवत हे। छत्तीसगढ़ म कृषि क्षेत्र ल समृद्धि के नवा दिशा देहे म उद्यानिकी खेती एक सशक्त माध्यम बनकर उभरे हे। आधुनिक तकनीक अऊ सरकारी योजना मन के समन्वय ले राज्य के किसान अब पारंपरिक सीमा मन ल पार करत आर्थिक आत्मनिर्भरता कोति अग्रसर होवत हें।
सक्ति जिला के डभरा विकासखण्ड के ग्राम पंचायत दर्री निवासी श्री सोमप्रसाद पटेल,  पिता श्री ठंडाराम पटेल, लंबा समय तक परंपरागत खेती करके अपन परिवार के भरण-पोषण करत हे। सीमित आमदनी अऊ अस्थिर उत्पादन के सेतकी आर्थिक स्थिति स्थिर नइ हो पात रहिस। अइसन म जब ओ ल उद्यानिकी विभाग कोति ले संचालित योजना मन के जानकारी मिलिस त वो ह एला एक अवसर के रूप म स्वीकार करिस।
योजना ले जुड़ाव अऊ खेती म नवाचार
श्री पटेल ह साल 2024-25 में  राष्ट्रीय कृषि विकास योजना के अंतर्गत सब्जी क्षेत्र विस्तार योजना म भागीदारी करिस। वो ह 0.500 हेक्टेयर जमीन म टमाटर के खेती चालू करिस। योजना के तहत ओ ल 10 हजार रुपिया के अनुदान मिलिस, जेखर से ओ ल प्रारंभिक संसाधन मन के व्यवस्था म सहायता मिलीस।
आधुनिक तकनीक ले बाढि़स उपज अऊ आय
श्री पटेल ह खेती म ड्रिप सिंचाई प्रणाली, मल्चिंग जइसे उन्नत तकनीक मन ल अपनाइस। परिणामस्वरूप, ओ ल 18 हजार किलोग्राम टमाटर के उत्पादन मिलिस, जेखर से स्थानीय थोक बाजार दर के मुताबिक 2 लाख 70 हजार  के शुद्ध आय होइस। ये आय परंपरागत धान फसल के तुलना म तीन ले चार गुना जादा हे।
नवाचार बनिस प्रेरणा के स्रोत
अब श्री पटेल एक सफल प्रगतिशील किसान के रूप म क्षेत्र म पहिचाने जाथे। वो ह बताइस के पहिली परंपरागत खेती ले ओ ल सीमित लाभ होत रहिस, फेर अब उद्यानिकी फसल ले ओ ल सरलग, जादा अऊ सुनिश्चित आय प्राप्त होवत हे।
वोखर सफलता ल देखके आसपास के किसान घलोक प्रेरित होवत हें अऊ उद्यानिकी खेती कोति कदम बढ़ावत हें। श्री पटेल ह छत्तीसगढ़ सरकार अउ उद्यानिकी विभाग कोति ले देहे गए तकनीकी सहायता अऊ मार्गदर्शन के विशेष प्रशंसा करे हे।