(सफलता की कहानी)
बदलता दंतेवाड़ाः नई तस्वीर
अवसर के सृजन ले दिखत हे सकारात्मक परिणाम
स्वावलंबन के नवा डहर म आघू बाढ़त हे किसान
दंतेवाड़ा, 02 अगस्त 2023। लाख के खेती, आज कई झन ग्रामीण किसान परिवार ब आय के जरिया बनत हे। जिला के किसान घलो लाख के उत्पादन कर के बढ़िया आय अर्जित करत हे अउ ग्रामीण अर्थव्यवस्था मे अपन योगदान देवत हे। दंतेवाड़ा जिला में हीरानार अउ जोड़ातराई गांव के एक-एक किसान मन ल सेमियालाता पौधा एक-एक एकड़ में लगाए ब दिए गय रहिस। जेमा हीरानार के किसान ह लगभग 25 हजार अउ जोड़ातराई के किसान ह 35 हजार रुपिया, पहिली साल लाख उत्पादन ल बेच के कमाय हे, ए पौधा के उचित प्रबंधन ले हर साल उत्पादन म बढ़ोतरी होथे संग ही ए पौधा के बीच म अंतरवर्ती फसल के घलो खेती करे जा सकत हे, ए पौधा कोई कोई ही किसान मन करा ही दंतेवाड़ा म उपलब्ध हे।
एकर बीज 2-3 हजार रुपिया तक मिलथे। ए पौधा के प्रबंधन बेहतर कर के किसान बने आय के सृजन कर सकत हे। जिला म लाख के उत्पादन एक प्रकार के बढ़िया लघु उद्योग हे जेकर से किसान जंगल म उपलब्ध कुसुम, बोइर चाहे परसा के पौधा ले प्राप्त करथे। ये पौधा लगभग बड़े होए के सेती प्रबंधन म थोड़कन परसानी आथे जेकर से उत्पादन घलो कम होथे अउ पर्याप्त रूप ले उत्पादन नई ले पात रहिस। लेकीन कृषि विज्ञान केंद्र, गीदम के पहल ले लाख उत्पादन ब सेमियालाता पौधा के परिचय किसान मन ल कराय गइस अउ एकर प्रबंधन ब विस्तार ले जानकारी दिए गईस। सेमियालाता एक प्रकार के पौधा हे जे पांच ले सात फीट तक ऊँचा होथे, एला बंजर भूमि म घलो एकर खेती करे जा सकत जे ए पौध म पानी के घलो कम जरूरत होथे अऊ जादा ऊंचाई न होए के सेती एमा आसानी ले लाख कीट लगाय जा सकत हे अउ एकर प्रबंधन घलो सरलता ले कर सकत हे। ए पौधा ले साल म दू घ उत्पादन लिस जा सकत हे, तेकर ब कहे जा सकत हे कि सेमियालाता आए वाले समय म लाख उत्पादन के एक अच्छा साधन बन सकत हे।
Success story
Neha Rathore
