रइपुर, 20 अप्रैल 2021 मंगल । मुख्यमंत्री दाउ भूपेश बघेल ह प्रदेशवासी मन ल 21 अप्रैल ल रामनवमी के अवसर म बधई अउ शुभकामना दीन हवयं। दाउ बघेल ह कहीन हे कि छत्तीसगढ़ के कण-कण म मर्यादा पुरूषोत्तम भगवान श्रीराम बसे हे। येह हम सबो बर गर्व अउ हर्ष के बात हरे कि छत्तीसगढ़ भगवान श्रीराम के ननिहाल रहे हे अउ उन मन अपन वनवास के अधिकांश समय इहेंचे बिताए हे । वनवास काल के दौरान श्रीराम छत्तीसगढ़ म जेन जेन रद्दा ले गुजरे रिहिन हे ओला राज्य सरकार ‘राम वन गमन पर्यटन परिपथ‘ के रूप म विकसित करत हावय । दाउ बघेल ह रामनवमी के अवसर म प्रदेशवासी मन बर सुख, समृद्धि, खुशहाली अउ बने स्वास्थ्य के कामना करीन हे।
मुख्यमंत्री दाउ बघेल ह प्रदेशवासी मन ल रामनवमी के दीन शुभकामना
