मुख्यमंत्री ह दाऊ कल्याण सिंह के जयंती म ओ मन ल करिन नमन

रायपुर, मुख्यमंत्री श्री भूपेश बघेल ह आज इहां अपन निवास कार्यालय म समाज सेवी अऊ छत्तीसगढ़ के महान दानवीर दाऊ कल्याण सिंह के जयंती म ऊंखर फोटू म फूल चढ़ा के ओ मन ल नमन करिन। ये बेरा म उद्योग मंत्री श्री कवासी लखमा घलोक उपस्थित रहिन। मुख्यमंत्री श्री बघेल ह कहिन कि छत्तीसगढ़ म दाऊ कल्याण सिंह दानशीलता बर प्रसिद्ध हे। ओ मन दीन-दुखी मन के सेवा बर हमेशा तत्पर रहत रहिन।
मुख्यमंत्री श्री बघेल ह कहिन कि दाऊ कल्याण सिंह ह रायपुर स्थित डीकेएस अस्पताल के अलावा बहुत अकन अस्पताल, पुस्तकालय, कॉलेज, जलाशय जइसे कई काम मन बर मुक्‍त हाथ ले कई एकड़ जमीन दान कर दीन। एखर से समाज के हर वर्ग ल आसानी ले शिक्षा अऊ चिकित्सा सुविधा देहे म मदद मिलीस। उमन कहिन कि दाऊ जी के पुण्यकर्म हमेशा उंखर याद दिलात रइही। उंखर नाम छत्तीसगढ़ म हमेशा आदर के संग ले जात रहिही।