मुख्यमंत्री ह तीरंदाजी के प्रशिक्षण लेवइया लइकामन के उछाह बढ़ाए बर तीर के लगाइस निसाना
रइपुर, 27 जून 2022
मुख्यमंत्री दाऊ भूपेश बघेल आज भेंट-मुलाकात के बेरा जशपुर म तीरंदाजी के प्रशिक्षण लेवइया लइकामन ले मुलाकात करके उन मन ल प्रतियोगिता के तियारी बर प्रोत्साहित करिस। उन मन प्रशिक्षणार्थी लइकामन के आग्रह म तीर अउ धनुष ले बुल्स आई ऊपर निशाना साधीस अउ सधे हुए अंदाज़ म तीर टारगेट के तीर म हिट करिस, निशाना लगते साथ लइकामन के संगे-संग जम्मो लोगन मन के थपरी गूंज उठीस।
मुख्यमंत्री दाउ बघेल आर्चरी के प्रशिक्षण लेवइया लइकामन ले मिलके आर्चरी के बारीकी उपर गोठ-बात करके उन्कर उत्साहवर्धन करीस। जानबा होवय कि तीरंदाजी केन्द्र अउ एकलव्य खेल एकादमी जिला प्रशासन कोति ले जिला के लइका अउ जवान मन ल राष्ट्रीय स्तर के खेल प्रशिक्षण सुविधा उपलब्ध कराए के उद्देश्य से तीरंदाजी केन्द्र एवं एकलव्य खेल एकादमी प्रारंभ करे गे हवय। जिहां तीरंदाजी ताईक्वांडो अउ तैराकी के संचालन माह अप्रैल 2022 ले करे जावत हावय।
