मुख्यमंत्री ल स्वर्गीय दाऊ रामचंद देशमुख प्रदेश स्तरीय नाचा गम्मत महोत्सव म सामिल होए के मिलीस नेवता

रायपुर, मुख्यमंत्री श्री भूपेश बघेल ले आज इहां विधानसभा स्थित कार्यालय कक्ष म गृह मंत्री श्री ताम्रध्वज साहू के अगुवई म नाचा उत्सव समिति दुर्ग ग्रामीण के सदस्य मन ह सौजन्य मुलाकात करिन। उमन मुख्यमंत्री ल ग्राम निकुम म आयोजित होवईया तीन दिन के स्वर्गीय दाऊ रामचंद देशमुख प्रदेश स्तरीय नाचा गम्मत महोत्सव म सामिल होए के नेवता दीन। मुख्यमंत्री ह समिति के सदस्य मन ल आमंत्रण बर धन्यवाद दीन। नाचा उत्सव कमेटी के प्रदेश संयोजक श्री नन्दकुमार साहू ह बताइस कि प्रदेश स्तरीय ये आयोजन के उद्देश्य नाचा कला ल संरक्षित अउर सम्वर्धित करना हे, जेमां प्रदेश भर के करीबन 357 नाचा-दल सामिल होही। ये बेरा म श्री घसिया राम देशमुख, डॉ. पीलेश्वर कुमार साहू, श्री मुक्ति सुधा दिवाकर अऊ श्री मनीष बेलचंदन घलोक उपस्थित रहिन।