मुख्यमंत्री श्री भूपेश बघेल पहुंचिन सांतरा गांव, दाऊ ठाकुर राम चंद्राकर ल अर्पित करिन श्रद्धांजलि

रायपुर, मुख्यमंत्री श्री भूपेश बघेल ह आज दुर्ग जिला के पाटन विकासखण्ड के ग्राम सांतरा पहुंचके दाऊ स्व. श्री ठाकुर राम चंद्राकर ल श्रद्धांजलि अर्पित करिन। मुख्यमंत्री श्री बघेल चंद्रपुर अऊ पामगढ़ विधानसभा क्षेत्र के दू दिन के दउरा के बाद आज शिवरीनारायण ले ग्राम सांतरा आइन, जिहां उमन दाऊ स्वर्गीय श्री ठाकुर राम चंद्राकर के निवास पहुंचके ओ मन ल श्रद्धांजलि अर्पित करिन। मुख्यमंत्री ह दाऊ स्वर्गीय श्री ठाकुर राम चंद्राकर के शोक संतप्त परिवारजन ले मिलके शोक संवेदना प्रकट करिन अऊ ओ मन ल ढांढस बंधाइन।