डीएवी मुख्यमंत्री पब्लिक स्कूल जावंगा के तीन लइका मन के राष्ट्रीय स्पर्धा बर होइस चयन

दंतेवाड़ा ले दिनेश गुप्ता, अटल बिहारी वाजपेई एजुकेशन सिटी जावंगा स्थित डीएवी मुख्यमंत्री पब्लिक स्कूल के तीन पढ़ैया लइका मन के चयन राष्ट्रीय क्रीड़ा स्पर्धा पानीपत हरियाणा बर होय हे। विद्यालय के तीन पढ़ैया लइका कार्तिक कुमार शाह, कुमारी राजमणी हपका अउ कुमारी प्रमीना ह डीएवी मुख्यमंत्री पब्लिक स्कूल हुडको भिलाई म होए जोनल स्तरीय खेलस्पर्धा म खो – खो प्रतियोगिता म शानदार प्रदर्शन करिस जेकर से उंखर चयन राष्ट्रीय स्पर्धा बर होइस। विद्यालय के ए लइका मन के राष्ट्रीय स्पर्धा म चयन होए म विद्यालय के प्राचार्य अउ सबो शिक्षक – शिक्षिका मन ह ए लइका मन के उज्जवल भविष्य के कामना करे हें।