– सड़क दुर्घटनाओं म कमी अऊ पशु सुरक्षा के दिशा म महत्वपूर्ण पहल
दुर्ग, आईडीबीआई बैंक कोति ले कॉरपोरेट सोशल रिस्पॉन्सिबिलिटी (सीएसआर) मद के अंतर्गत काली जिला पंचायत दुर्ग ल ’’काऊ कैचर’’ वाहन देहे गीस। ए बेरा म कलेक्टर श्री अभिजीत सिंह ह आईडीबीआई बैंक अऊ जिला पंचायत दुर्ग के ए संघरा उदीम ल सहराईन। उमन कहिन के ये कदम आवारा पशु मन ल सुरक्षित जगा तक पहुँचाए अऊ सड़क म होवत दुर्घटना मन ल रोके म विशेष योगदान देही। ये पहल स्वच्छता, पशु कल्याण अऊ नगर प्रबंधन के क्षेत्र म सराहनीय कदम माने जात हे।
जिला पंचायत मुख्य कार्यपालन अधिकारी श्री बजरंग कुमार दुबे ह बताइस के ये काऊ कैचर गाड़ी विशेष रूप ले ग्रामीण क्षेत्र अऊ हाईवे के तीर सक्रिय रूप ले काम करही, जेखर से सड़क सुरक्षा ल बेहतर बनाय जा सकय। उमन कहिन के ये वाहन आवारा पशु मन ल सुरक्षित जगा म पहुँचाए म विशेष योगदान देही। ए बेरा म आईडीबीआई बैंक के क्षेत्रीय प्रमुख श्री सरबजीत सिंह (भिलाई) अऊ शाखा प्रमुख अऊ डिप्टी जनरल मैनेजर श्री अनुप विश्वकर्मा (भिलाई शाखा) घलोक उपस्थित रहिन।
