रायपुर, 10 फरवरी 2024। मुख्यमंत्री श्री विष्णु देव साय के सरकार के वित्तीय साल 2024-25 के बजट म मुख्यमंत्री खाद्यान्न सहायता योजना अंतर्गत 3 हजार 400 करोड़ रूपिया के प्रावधान करे गए हे। राज्य शासन कोत ले मुख्यमंत्री खाद्यान्न सुरक्षा योजना के तहत पात्र हितग्राही मन ल अवइया पांच साल तक निःशुल्क खाद्यान्न उपलब्ध कराए के निर्णय लेहे गए हे।
खाद्य नागरिक आपूर्ति उपभोक्ता संरक्षण मंत्री श्री दयालदास बघेल ह बताइस कि महिला मन अउ लइका मन ल कुपोषण ले बचाय बर फोर्टिफाइड राईस के वितरण बर 209 करोड़ रूपिया के प्रावधान करे गए हे।
अइसनहे शक्कर वितरण बर 150 करोड़ रूपिया, गुड़ वितरण बर 81 करोड़ रूपिया, अंत्योदय अन्न योजना के अंतर्गत चना वितरण बर 400 करोड़ रूपिया, रियायती दर म आयोडिन नमक वितरण बर 139 करोड़ रूपिया के प्रावधान करे गए हे। उपभोक्ता कल्याण अंशदान फंड योजना के अंतर्गत 20 करोड़ रूपिया तको देहे गए हे।
मुख्यमंत्री खाद्यान्न सुरक्षा योजना के तहत मिलही निःशुल्क चांउर
