तालाब म तैरत मिलीस लाश, पुलिस जुटीस जाँच म

कोरबा, 13 अक्टूबर 2020। तालाब म तैरत हुए एक लाश मंगलवार के मिलीस हे। बालको थाना क्षेत्र अंतर्गत ग्राम अजगर बहार अउ माखुरपानी के बीच तालाब म ग्रामीण मन ह एक लाश तैरत हुए देखीस। ग्रामीण मन ह एखर सूचना बालको पुलिस ल दीस। पुलिस मउका म पहुंच गे,अउ लाश ल बाहर निकाले के कवायद करत हे। डीएसपी रामगोपाल करियारे ह बतइस की सूचना मिले म पुलिस टीम मउका म पहुचीस हे। मामला के छानबीन करे जावत हे। बालको थाना प्रभारी राकेश मिश्रा, रामपुर थाना प्रभारी परुष पूर्रे सहित पूरा अमला मउका म मौजूद हे। बताया जावत हे कि लाश पुराना हो चुके हे। पानी म रहे के कारण लाश सड़-गल गेहे। पुलिस के प्रारंभिक जाँच म पता चले हे कि बुजुर्ग के नाम घुराऊ उरांव, जो हरदी भाड़ा के रहवइया हरे। मृतक गाय चराय के काम करत रिहिस। मृतक के रिश्तेदार ग्राम कोरकोमा म रहिथे। पुलिस ह उकर मन ले सम्पर्क करे म लगे हे।