मुंगेली, 16 जनवरी 2021। जिला के लोरमी थाना अंतर्गत मनियारी नदी के आसपास आज बिहनिया वो बेरा सनसनी फैलगे, जब एक 24 बछर के युवती के लाश एनीकट के तीर पानी के तेज बहाव म फंसे मिलिस. सूचना मिले के बाद मउका म पहुंचे पुलिस ह लाश ल बाहिर निकलवाके पोस्ट मार्टम बर भेजिन. ये पूरा मामला म लोरमी थाना प्रभारी ह कहिन कि प्रथम दृष्टया मामला आत्महत्या के प्रतीत होगे हे. मामला लोरमी थाना क्षेत्र के हे. आज बिहनिया मनियारी नदी के तीर घूमत कुछ लोगन ल एनीकट म एक युवती के लाश फंसे दिखिस. एखर सूचना लोरमी थाना म देवत ही थाना स्टाफ मउका म पहुँचिन. मृतिका के पहिचान अंकिता पिता अशोक उपाध्याय के रूप म होय हे, जोन एक रात तकरीबन 2 बजे अपन घर ले बिना कोई ल बताए निकल गए रहिस. परिजन मन ह मामला म शनिवार के लोरमी थाना म गुमशुदगी के रिपोर्ट दर्ज कराये रहिस.
