गरियाबंद, 29 दिसम्बर 2020। देवभोग थाना क्षेत्र के कैथपदर ग्राम म एक नाबालिग लड़की के शव घर के कमरा म मिले ले सनसनी फैलगे। मृतका के पिता ह बिहनिया पुलिस ल घटना के जानकारी दीस। सूचना के बाद पुलिस मउका म पहुंच के मामला के जांच शुरू कर देहे हे।
नाबालिग के गला म नाखून के निशान देख के परिजन मन ह हत्या के आशंका जताए हे। ग्रामीण मन ह पुलिस ल गांव के ही एक युवक के नाम बताय हे जोन ह देर रात तक लड़की के संग मौजूद रहिस। पुलिस युवक ल हिरासत म लेके पूछताछ शुरू कर देहे हे। नाबालिग के संग घटित घटना ल लेके गांव म दहशत के माहौल हे।
