गढ़-कलेवा म फंदा म झूलत मिलिस युवक के लाश, बीमारी ले रहिस परेशान

जगदलपुर, 18 मार्च 2021। शहीद पार्क ले लगे गढ़-कलेवा के दीवार म गुरुवार के बिहनिया एक युवक के लाश फंदा म झूलत मिलिस। एखर ले इलाका म सनसनी फैलगे। मृतक के नाम लोकेश कुंजाम ओडिसा के रहने वाला बताये जावत हे। सूचना के बाद कोतवाली पुलिस सहित डायल 122 के टीम मउका म पहुँच के जांच म जुटगे। पुलिस ह बतइस कि प्रथम दृष्टया मामला आत्महत्या के लगत हे। पुलिस सबो ऐंगल ले जांच करत हे। संग ही फॉरेन्सिक एक्सपर्ट के घलो मदद लेहे जावत हे। बताये जावत हे कि युवक करीब 2 बछर ले चैपाटी के एक होटल म ढोसा बनाये के काम करत रहिस। कहे जावत हे कि बीमारी होय के सेती वो कई दिना ले परेशान चलत रहिस।