छत्तीसगढ़ के बेटी मन के आत्मविश्वास अऊ हौसला के उड़ान
रायपुर, हरेली तिहार के बेरा म गेड़ी चढ़े अऊ गेड़ी दौड़ लगाय के परम्परा रहे हे। आम तौर म ये दउंड़ टूरा बाबू अऊ पुरुष मन ही लगाथें, फेर अब छत्तीसगढ़ बदलत हे। ये नवा गढ़त छत्तीसगढ़ म हरेली के उछाह म जब मूक बधिर बेटी मन गेड़ी दौड़ लगाथें, त लागथे, ये हौसला कम झन होवय। धमतरी के शासकीय श्रवण बधितार्थ बालिका विद्यालय के ये बेटी मन अपन आत्मविश्वास अऊ हौसला के उड़ान भरे हें। छत्तीसगढ़ सरकार ह हरेली म कई ठन पारंपरिक खेल मन के आयोजन करे ओमां लैंगिक भेद-भाव के परे आत्मविश्वास के नवा रंग भरे हे। सित्तो कहन त आगू बढ़त ये बेटी मन अवईया बेरा के सामरथ छत्तीसगढ़ के सुग्घर झलक देखावत हें।
