राज्य डेयरी उद्यमिता विकास योजनान्तर्गत इकाई स्थापित कबे ब मिलिस मदद

गोपालक शत्रुहन दूध व्यवसाय से बनिस एक सफल उद्यमी
महासमुंद, 14 जुलाई 2023
गोपालक श्री शत्रुहन साहू कांपा गांव के रहोइया ए। ओकर परिवार गाय पालन करके दूध व्यवसाय ले अब जादा बढ़िया जीवन यापन करत हे। पहिली ओ ह खेती किसानी के बुता काम करत रहिस हे। लेकिन सेंचई की पर्याप्त सुविधा नई होए के सेती फसल उत्पादन अपेक्षाकृत कम रहिस। ए कारन गोपालक के परिवार के आर्थिक स्थिति बने नई रहीस हे अउ अपन ग्रामीण क्षेत्र म कछु बढ़िया बुता काम के खोज म रहिस हे।
तभे ओकर भेंट पशुधन विकास विभाग के अधिकारी करा होइस। ओ ह खेती किसानी के संग अउ अक्तिहा आमदनी ब दूध उत्पादन कर के डेयरी व्यवसाय करे के सलाह दिस। जेकर से प्रोत्साहित हो के श्री शत्रुहन साहू ह ए क्षेत्र म बुता चालू करिस। मात्र दू ठ दुधारू गाय ले अपन व्यवसाय के शुरुआत करिस। सुरू सुरू म ओला 20 हजार रुपिया के आय होइस।
   अब शत्रुहन ए व्यवसाय ल समझ गए हे। वर्ष 2021-22 म पशुधन विभाग कती ले राज्य डेयरी उद्यमिता विकास योजनान्तर्गत ओला 1 यूनिट डेयरी इकाई के स्वीकृति प्रदाय करे गईस। ओ ह गाय के देखभाल करे अउ उकर उचित आहार संग रखरखाव करे म धियान देवइया लोगन मन संग संपर्क करत हे। ओ ह पशु विभाग अउ गौशाला संगठन के सहयोग लिस अउ गौशाला म के गाय के देखभाल आदि के बारे म जानिस।
धीरे-धीरे, गोपालक ह बढ़िया देशी गाय के एक समूह एकट्ठा करिस अऊ उमन के उचित देखभाल करे लगिस। ए नवा प्रक्रिया के फलस्वरूप, गाय के प्रोडक्टिविटी अउ दूध के मात्रा म सुधार होइस। ओ ह ए देखिस कि गौशाला के गाय स्वस्थ हे अउ उकर दूध जादा बढ़िया गुणवत्ता वाला घलो होथे।
अब गोपालक के तिर एक उचित दूध स्त्रोत रहिस हे, जेकर से ओ ह अपन ग्रामीण क्षेत्र म बेच सकत हे। ओ ह दूध ल शुद्धता अउ गुणवत्ता के आधार म प्रमाणित करिस अउ एला बढ़िया दाम म बेचे ब ग्रामीण अउ शहरी ग्राहक के बीच म नेटवर्क बनाइस। गोपालक ह अपन दूध व्यवसाय ल विस्तारित करिस अऊ दूध उत्पादन के संग-संग ओला संयंत्रित ढंग से बेचे ब एक प्रक्रिया घलो विकसित करिस। एकर से ओकर आय म वृद्धि होइस अउ ओ ह एक सफल उद्यमी बनिस।
धीरे-धीरे, गोपालक के दूध व्यवसाय ह मजबूती प्राप्त करिस अउ ओकर आर्थिक स्थिति सुधरिस। ओ ह अपन परिवार ल बढ़िया शिक्षा, स्वास्थ्य सुविधा अउ वित्तीय सुरक्षा प्रदान करे म सक्षम हो गय हे। आज वर्तमान म श्री शत्रुहन साहू प्रतिवर्ष 3 लाख रूपिया तक वार्षिक आय अर्जित करत हे। श्री शत्रुहन साहू ह विभाग कती ले दिए जात सुविधा अउ मार्गदर्शन के प्रशंसा करत हुए विभाग अउ छत्तीसगढ़ शासन के प्रति कृतज्ञता अर्पित करिस हे।
Success story
Neha Rathore