मुख्यमंत्री ह बैरिस्टर ठाकुर छेदीलाल के पुण्यतिथि म ओ मन ल करिन नमन

रायपुर, 18 सितमबर 2024। मुख्यमंत्री श्री विष्णु देव साय ह स्वतंत्रता संग्राम सेनानी अऊ कानूनविद बैरिस्टर ठाकुर छेदीलाल के 18 सितमबर के पुण्यतिथि म ओ मन ल नमन करे हें। मुख्यमंत्री ह कहिन के मनखे मन म जागृति फैलाय बर बैरिस्टर ठाकुर छेदीलाल जी ह रामलीला के मंच ले राष्ट्रीय रामायण के अभिनव परयोग करिन। युवा मन म राष्ट्रीयता के भावना जागृत करके स्वतंत्रता आंदोलन ले जोड़े म उंखर महत्वपूर्ण योगदान रहे हे।  सविनय अवज्ञा आंदोलन म घलोक उमन महत्वपूर्ण भूमिका निभाईन। ओ मन संविधान सभा के सदस्य घलोक रहिन। ठाकुर छेदीलाल जी के उपलब्धि अऊ समाज बर करे योगदान ल हमेशा याद करे जाही।