कसडोल, 5 अक्टूबर 2020। कसडोल क्षेत्र म रविवार बिहनिया दर्दनाक सड़क हादसा होइस। मिले जानकारी के अनुसार तेज रफ्तार ट्रेलर ह एक स्कूटी सवार ल जोरदार टक्कर मार दीस। मउका म स्कूटी सवार मां-बेटी के दर्दनाक मउत होगे। घटना गिधौरी महानदी पुल म होइस हे। बताय जावत हे कि बिलाईगढ़ तिलई पारा निवासी नंदनी राकेश अउ ओखर मां राम बाई अपन घर ले स्कूटी म जावत रहिन हे। अचानक शिवरीनारायण के डाहर ले ट्रेलर ह आवत रिहिस अउ चपेट म ले लीस। दुर्घटना म नंदनी राकेश के मउका म ही मउत होगे। उहें घायल महिला ल बलौदाबाजार हॉस्पिटल लेगीस हे। लेकिन उमन रस्ता म दम तोड़ दीन।
ट्रेलर ह स्कूटी ल मारीस ठोकर, मउका म मां-बेटी के मउत
