छत्तीसगढ़ म महत्वपूर्ण खनिज मन के खोज ले खुलिस बढ़ोतरी बर नवा दुवारी

रणनीतिक खनिज मन के खोज म छत्तीसगढ़ के ऐतिहासिक छलांग: छत्तीसगढ़ म निकेल-क्रोमियम-PGE के पुस्टि
रायपुर, खनिज विकास के क्षेत्र म छत्तीसगढ़ ह एक महत्वपूर्ण उपलब्धि दर्ज करे हे। मेसर्स डेक्कन गोल्ड माइनिंग लिमिटेड Deccan Gold Mining Limited (DGML) ह राज्य म हाल ही म मिले संघरा अनुज्ञा क्षेत्र म निकल (Nickel), क्रोमियम (Chromium) अऊ प्लेटिनम समूह के तत्व मन (PGEs) के खोज करे हे। ये उपलब्धि छत्तीसगढ़ म रणनीतिक अऊ महत्वपूर्ण खनिज मन के खोज अऊ ऊंखर सतत विकास के एक नवा युग के शुरुआत के चिनहारी ये।
ये खोज महासमुंद जिला के भालुकोना–जामनीडीह निकल, क्रोमियम अऊ PGE ब्लॉक म होए हे, जेन लगभग 3000 हेक्टेयर म फैले हे। ए क्षेत्र के प्रारंभिक अन्वेषण भारतीय भूवैज्ञानिक सर्वेक्षण (GSI)कोति ले G4 स्तर म करे गए रहिस, जेमां ए खनिज मन के उपस्थिति के संभावना प्रकट होए रहिस। ए आधार म, छत्तीसगढ़ शासन के खनिज साधन विभाग के अंतर्गत भूविज्ञान अऊ खनिकर्म संचालनालय (DGM) ह विस्तृत भू-वैज्ञानिक आंकड़ा के संकलन करके ब्लॉक के ई-नीलामी प्रक्रिया संपन्न कराए रहिस।
दिनांक 6 मार्च 2023 के ब्लॉक के सफलतापूर्वक नीलामीकरण होइस, जेमां DGML ह 21% ऊँची बोली लगाके एला हासिल करिस। एखर पाछू DGM छत्तीसगढ़ ह अन्वेषण काम मन ल लउहे गति देहे बर तकनीकी मार्गदर्शन अऊ सरलग सहयोग देहे गीस। जरूरी वन अऊ पर्यावरणीय स्वीकृति प्राप्त होए के बाद, DGML ह अन्वेषण काम मन के शुरुआत करिस, जेमें विस्तृत भू-वैज्ञानिक मानचित्रण, रॉक चिप सैम्पलिंग, ड्रोन आधारित मैग्नेटिक सर्वेक्षण अऊ इंड्यूस्ड पोलराइजेशन (IP) सर्वेक्षण सामिल हे। प्रारंभिक परिणाम उत्साहजनक रहे हे। अब तक लगभग 700 मीटर लंबा खनिजीकृत पट्टी के पहिचान करे गए हे, जेन संभावित मैफिक-अल्ट्रामैफिक चट्टान संरचना म स्थित हे। भूभौतिकीय सर्वेक्षण ले मिले संकेत मन के मुताबिक 300 मीटर गहराई तक सल्फाइड खनिज मन के उपस्थिति दर्ज करे गए हे, जेन ए ब्लॉक के समृद्ध खनिज क्षमता ल रेखांकित करथे।
भालुकोना ब्लॉक के तीर ही स्थित केलवरडबरी निकल, क्रोमियम अऊ PGE ब्लॉक पहिली मेसर्स वेदांता लिमिटेड ल नीलामी के माध्यम ले देहे गए रहिस। ए दुनों ब्लॉक के संघरा विकास ले महासमुंद क्षेत्र ल देश के रणनीतिक खनिज मन के प्रमुख केंद्र के रूप म विकसित करे के संभावना सशक्त हो गए हे।
ए उपलब्धि म मुख्यमंत्री श्री विष्णु देव साय ह प्रसन्नता व्यक्त करत कहिन के ये ऐतिहासिक खोज राज्य अऊ देश बर अत्यावश्यक खनिज संसाधन मन ल सुरक्षित करे के दिशा म एक निर्णायक कदम हे। ये ‘आत्मनिर्भर भारत’ मिशन के भावना ल सशक्त करथे अऊ रणनीतिक क्षेत्र मन म सतत अऊ आत्मनिर्भर विकास ल प्रोत्साहित करथे। छत्तीसगढ़ शासन वैज्ञानिक अऊ विस्तृत खनिज अन्वेषण अऊ विकास ल पूरा समर्थन देहे बर प्रतिबद्ध हे।
ए समाचार ल हिन्‍दी म आप ये कड़ी ले पढ़ सकत हव