आज के मंत्रिपरिषद के निर्णय: 3100 रूपिया कुंटल म धान खरीदी 15 नवम्बर ले होही चालू

मुख्यमंत्री श्री विष्णु देव साय के अध्यक्षता म आज मंत्रालय महानदी भवन म आयोजित कैबिनेट के बैठक म राज्य के किसान मन ले खरीफ विपणन साल 2025-26 म समर्थन मूल्य म धान खरीदी के संबंध म महत्वपूर्ण निर्णय लेहे गीस। राज्य म 25 लाख ले जादा किसान मन ले 3100 रूपिया प्रति क्विंटल के दर ले 15 नवम्बर ले होही धान खरीदी चालू होही। धान के व्यपवर्तन अऊ पुर्नचक्रण ल रोके के चौकस व्यवस्था अउ धान खरीदी बर मजबूत प्रशासनिक ढांचा ल ठउका करे जाही। भरपूर पारदर्शिता के संग किसान मन ल करे जाही 6 ले 7 दिन के भीतर समय म भुगतान। टोकन तुंहर हाथ मोबाईल एप के माध्यम ले होही ऑनलाईन टोकन के व्यवस्था। किसान मन ल मिलही सोसायटी मन म लंबा लाइन लगे ले मुक्ति।
राज्य शासन ह खरीफ विपणन साल 2025-26 म छत्तीसगढ प्रदेश के किसान मन ले दिनांक 15 नवम्बर 2025 ले 31 जनवरी 2026 तक धान खरीदी करे के निर्णय लेहे हे। ये बेरा म 25 लाख किसान मन ले 3100 रूपिया प्रति क्विंटल के दर ले 21 क्विंटल प्रति एकड़ के सीमा तक धान के खरीदी करे जाही।
धान खरीदी म पारदर्शिता ल बढावा देहे खातिर ए साल ई-केवाईसी के माध्यम ले, भारत सरकार कृषि मंत्रालय के एग्रीस्टेक पोर्टल म किसान पंजीयन ल अनिवार्य करे गए हे, जेखर से किसान के सहीं पहिचान होही अऊ डुप्लीकेशन/दोहराव नइ हो पावय। पंजीयन 31 अकटूबर 2025 तक कराए जा सकत हे।
डिजीटल क्राप सर्वे के माध्यम ले 23 लाख हेक्टेयर रकबा के सर्वे कराए गए हे जेखर फलस्वरूप धान के रकबा के ऑनलाईन निर्धारण डिजीटल रूप ले ठउका होय हे। प्रदेश के 20,000 गांव मन म दिनांक 02 अकटूबर ले डिजीटल क्राप सर्वे अऊ मैन्यूअल गिरदावरी के डेटा ल ग्रामसभा म पठन-पाठन कराए जात हे। किसान मन के खरीदी के संबंध में व्यवस्था ठउका करे बर टोकन तुहर हाथ मोबाईल एप के माध्यम ले ऑनलाईन टोकन के व्यवस्था करे गए हे एखर तहत किसान खुद अपन सुविधा मुताबिक दिन म धान विक्रय करे जाय बर टोकन काट सकहीं। वास्तविक किसान मन ले धान खरीदी ठउका करे बर बायोमैट्रिक आधारित धान के खरीदी करे जाही।
2739 खरीदी केन्द्र मन के माध्यम ले धान खरीदी करे बर समिति मन म समुचित व्यवस्था करे के निर्देश देहे गये हे। समिति मन ल खरीद विपणन साल 2025-26 म शून्य सुखत आए म 05 रूपिया प्रति क्विंटल के मान ले प्रोत्साहन देहे जाही। धान खरीदी बर आवश्यकतानुसार नवा अऊ जुन्ना जूट बारदाना के व्यवस्था करे जाय के निर्देश देहे गये हे।
खाद्य विभाग भारत सरकार कोति ले खरीफ साल 2025-26 बर केन्द्रीय पूल म 73 लाख मीट्रिक टन चावल के लक्ष्य देहे गए हे। प्रदेश म धान के रिसाईकलिंग रोके अऊ बेहतर मॉनिटरिंग व्यवस्था ठउका करे बर पहली पइत इंटिग्रेटेड कमाण्ड एण्ड कन्द्रोल सेंटर मार्कफेड कार्यालय म स्थापित करे के निर्णय लेहे गए हे। जिला मन म घलोक कंट्रोल रूम बनाए जाही। धान खरीदी ठीहा मन म बेहतर अऊ सुगम व्यवस्था बर कलेक्टर कोति ले प्रशासनिक अधिकारी मन ल खरीदी केन्द्र प्रभारी बनाए के निर्णय लेहे गए हे।
सीमावर्ती राज्य मन ले खरीदी केन्द्र धान के आवक ल रोके बर विशेष चेकिंग दल जिला स्तर म गठित करे के निर्देश देहे गये हे। धान के परिवहन व्यवस्था अंतर्गत मितव्ययता ल ठउका करे बर धान के उठाव अउ परिवहन, भौतिक सत्यापन करे के निर्देश देहे गए हे।