रायपुर, मुख्यमंत्री श्री भूपेश बघेल ले छत्तीसगढ़ चेम्बर ऑफ कामर्स एण्ड इंडस्ट्रीज के प्रतिनिधि मंडल ह मुख्यमंत्री निवास म सौजन्य मुलाकात करिस। मुख्यमंत्री ल प्रतिनिधि ह व्यापार जगत बर राज्य सरकार कोति ले उठाए गए कदम मन के प्रति आभार व्यक्त करिस। श्री बघेल ल ये बेरा म भगवान जगन्नाथ, बलभद्र अऊ सुभद्रा के प्रतिकृति घलोक भेंट करे गीस।
मुख्यमंत्री ह प्रतिनिधि मंडल ले कहिन कि ग्राहक मन के जेब म पइसा होए म उत्पाद के बिक्री होही। उमन कहिन कि हमर सरकार ह सत्ता म आतेच किसान मन के कर्ज के बोझा ल हठाए हे। प्रदेश के अर्थ व्यवस्था ल गति दे बर किसान मन ल धान के प्रति क्विंटल ढाई हजार रूपिया अऊ अल्प कालीन कृषि ऋण मुक्ति के ऐतिहासिक फैसला लेहे हे, एखर से जिहां उद्योग अऊ व्यापार जगत म तेजी आए हे। ऑटोमोबाइल सेक्टर म जिहां मंदी के माहौल हे, उन्हें छत्तीसगढ़ म 26 प्रतिशत के उछाल देखे गए हे। मध्यम अऊ कमजोर वर्ग ल राहत देहे बर जमीन के गाइड लाइन दर म 30 प्रतिशत के कमी करे गए हे। संगेच 5 डिसमिल ले छोटे भू-खंड मन के रजिस्ट्री म लगे प्रतिबंध हटा दे गए हे। नामांतरण, डायवर्सन अऊ बटांकन के सरलीकरण करे गए हे। प्रकरण मन ल लोक सेवा गारंटी योजना म सामिल करके समय सीमा म निराकरण करे ले शहर म मकान अऊ भूखंड खरीदना आसान हो गए हे। अब आवासीय प्रोजेक्ट बर जरुरी सबो एनओसी लेहे बर सिंगल विंडो सिसटम लागू करे के फैसला ले गए हे।
इस बेरा म छत्तीसगढ़ चेम्बर ऑफ कामर्स एण्ड इंडस्ट्रीज के अध्यक्ष श्री प्रवीण जैन संग आन प्रतिनिधि उपस्थित रहिन।
