मुख्यमंत्री श्री साय ले केरल अऊ ओडिशा के सांसद मन के प्रतिनिधिमंडल ह करिस सौजन्य मुलाकात

मुख्यमंत्री ह कहिन – छत्तीसगढ़ एक शांतिप्रिय प्रदेश हे, कानून अपन काम करत हे
रायपुर, मुख्यमंत्री श्री विष्णुदेव साय ले काली मंत्रालय, महानदी भवन म केरल अऊ ओडिशा के सांसद मन के एक प्रतिनिधिमंडल ह सौजन्य मुलाकात करिस। प्रतिनिधिमंडल म लोकसभा सांसद चलाकुडी ले श्री बेनी बेहनन, कोट्टायम ले श्री के. फ्रांसिस जॉर्ज, कोल्लम ले श्री एन. के. प्रेमचंद्रन, कोरापुट ले श्री सप्तगिरि उल्का, अऊ केरल विधानसभा सदस्य श्रीमती रोजी एम. जॉन सामिल रहिन। प्रतिनिधिमंडल ह मुख्यमंत्री ले राज्य म हाले म चर्चा म आए धर्मांतरण प्रकरण के जानकारी साझा करिन।
मुख्यमंत्री श्री साय ह कहिन के छत्तीसगढ़ एक शांतिप्रिय अऊ समरसता उपर विश्वास रखइया प्रदेश हे, जेमां सबो धर्म के मनखे सौहार्दपूर्वक रहिथें।
मुख्यमंत्री ह प्रतिनिधिमंडल ल आश्वस्त करत कहिन के मामला के जांच न्यायिक प्रक्रिया के तहत करे जात हे। कानून स्वतंत्र रूप ले अपन काम करत हे। उमन ये घलोक कहिन के सरकार के प्राथमिकता हे के प्रदेश के बेटी अऊ नागरिक सुरक्षित अऊ सम्मानपूर्वक जीवन व्यतीत करंय।