दिल्ली के मुख्यमंत्री अरविंद केजरीवाल के तबीयत खराब, खुद ल करिन आइसोलेट

नई दिल्ली, 8 जून 2020। देश के राजधानी दिल्‍ली के मुख्‍यमंत्री अरविंद केजरीवाल के तबीयत बिगड़गे हे. उमन ल हल्का बुखार अउ गला म खराश के शिकायत हे. वो ये बेरा अपन घर म ही आइसोलेट होगे हे. ओखर काली कोरोना के टेस्‍ट करवाये जाही. मिले जानकारी के अनुसार सीएम केजरीवाल ल रविवार ले ही हल्का बुखार के शिकायत हे. एखर सेती उमन मंझनिया म होने वाला मीटिंग ल घलो कैंसिल कर दे रहिस. वो खुद ल आइसोलेट घलो कर ले हे. बता देथन कि सीएम केजरीवाल रोज मंझनिया म दिल्ली म कोरोना मामला ल लेके खुद मीडिया ले बात करत रहय. लेकिन बीते दिन ले बुखार अउ गला म खराश के शिकायत के बाद आज उमन दोपहर म होने वाला मीटिंग ले खुद ल अलग कर ले हे.