दंतेवाड़ा, देश के सबले बड़े होल-सेल यूनिट म ले एक टैक्सटाइल यूनिट के सेती देश भर म चर्चित दंतेवाड़ा के नवाचार डेनेक्स के नवा यूनिट के शुभारंभ आज मुख्यमंत्री श्री भूपेश बघेल ह कटेकल्याण म करिन। इहां 100 महिला मन गारमेंट्स बनाहीं। एकरे संग डेनेक्स के पांचवां यूनिट छिंदनार के एमओयू होइस। ये एमओयू डेनेक्स एफपीओ अऊ एक्सपोर्ट हाउस तिरपुर के बीच होइस जेन तमिलनाडू के कोयंबटूर म होल सेल के देश के सबले बड़े यूनिट म ले एक हे। मुख्यमंत्री ह ये बेरा म महिला मन ल बधाई देवत कहिन कि दंतेवाड़ा म आप मन के नवाचार देश भर म विख्यात हे।
ढेंकी चावल के लीन जानकारी, परंपरागत साधन मन ल बढ़ावा देहे म जताईन खुशी- मुख्यमंत्री ह ये बेरा म ढेंकी चावल घलोक देखिन। जानकारी देवत अधिकारी मन ह बताइन कि जुन्ना समय म परंपरागत रूप ले ढेंकी ले ही चावल निकाले जात रहिस जेखर से चावल के पौष्टिक गुण बचे रहत रहिस। मुख्यमंत्री ह ये बात उपर खुशी जतात कहिन कि जैविक खेती के जेन परयोग प्रदेश भर म होवत हे ओमां दंतेवाड़ा जइसे जगा बर अऊ घलोक बने अवसर हे काबर के इहां के जमीन पहिली ही वन जमीन होए के सेती काफी ऊर्वर हे। मुख्यमंत्री ह कहिन कि दंतेवाड़ा म जेन नवाचार होवत हे ओ मन ये क्षेत्र के प्राकृतिक परिवेश के अनुकूल हे।
मुख्यमंत्री ह दंतेवाड़ा नेक्सट यानी डेनेक्स के नवा यूनिट के कटेकल्याण म शुभारंभ करिस
