शासकीय कर्मचारी मन के विभागीय परीक्षा 24 ले 29 अगस्त तक, बीआईटी कॉलेज म होही परीक्षा केंद्र

दुर्ग, 24 जुलाई 2020। गृह विभाग के शासकीय कर्मचारी मन के विभागीय परीक्षा 24 ले 29 अगस्त तक आयोजित हे। दुर्ग जिला बर भिलाई प्रौद्योगिकी संस्थान (बीआईटी कॉलेज) ल परीक्षा केंद्र बनाए गए हे। संभागीय आयुक्त श्री जी आर चुरेन्द्र ह कॉलेज के प्राचार्य ल परीक्षा बर दू कमरा ल तियार करके, बैठक व्यवस्था संग आन जरूरी तियारी करे के निर्देश देहे हें। विभागीय परीक्षा के संपादन बर अधिकारी कर्मचारी मन के ड्यूटी घलोक लगा दे गए हे। परीक्षा बर डॉ रविराज ठाकुर, डिप्टी कलेक्टर, दुर्ग परीक्षा केंद्र अउ प्रश्नपत्र प्रभारी होहीं उहें श्री आर.एल.ताराम लेखाधिकारी कार्यालय आयुक्त दुर्ग संभाग ल सहायक परीक्षा केंद्र प्रभारी के जिम्मेदारी दे गए हे। वीक्षक (इन्व्हीजिलेटर ) के जिम्मेदारी 2 नायब तहसीलदार श्री सत्येंद्र शुक्ल अऊ श्री जयेन्द्र सिंह ल सौंपे गए हे। श्री सी. एल. निर्मलकर सहायक ग्रेड-02 अऊ श्री जीतेन्द्र वर्मा सहायक ग्रेड-03 ल जिला लिपिकीय काम के उत्तरदायित्व मिले हे। उहें उत्तर पुस्तिका मन के पैकेट तियार करे के काम भृत्य श्री मेघनाथ साहू ह करही।