रायपुर, 23 फरवरी 2024। राज्य शासन के लोक निर्माण विभाग कोति ले मुंगेली, रायगढ़ राजनांदगांव, रायपुर, जशपुर, बस्तर अऊ सूरजपुर जिला म कई ठन सड़क बनवाए बर 36 करोड़ 60 लाख 50 हजार रुपिया मंजूर करे गए हे। उप मुख्यमंत्री अउ लोक निर्माण मंत्री श्री अरुण साव के अनुमोदन के बाद विभाग ह 18 काम मन बर कुल 39 करोड़ 58 लाख 99 हजार रुपिया के प्रशासकीय स्वीकृति प्रदान करे हे।
लोक निर्माण विभाग कोति ले मुंगेली जिला के लोरमी विकासखंड म रहंगी नाला म उच्च स्तरीय पुल अउ पहुंच मार्ग बर एक करोड़ 85 लाख रुपिया, खैरवार बघमार ले अमलडीही मार्ग बर एक करोड़ 84 लाख रुपिया, लोरमी विकासखंड के डी-1 नहर ले पठारी कांपा मार्ग बर दू करोड़ तीन लाख रुपिया अऊ अखरार ले श्मशान घाट पहुंच मार्ग बर एक करोड़ 38 लाख रुपिया मंजूर करे गए हे।
विभाग कोति ले रायगढ़ जिला के लोहरसिंग-लिंजीर मार्ग के चौड़ीकरण अउ मजबूतीकरण बर एक करोड़ 76 लाख रुपिया, राजनांदगांव के पारीखुर्द म आंगनबाड़ी ले श्मशान घाट पहुंच मार्ग बर 79 लाख 42 हजार रुपिया, ईरा म गौठान ले मुक्तिधाम पहुंच मार्ग बर एक करोड़ 70 लाख रुपिया, रायपुर म बजाज कॉलोनी, एन.एम.डी.सी. कॉलोनी, प्रियदर्शिनी नगर, वल्लभ नगर चतुर्दिक मार्ग के डामरीकरण बर दू करोड़ 81 लाख रुपिया, कटोरा तालाब, शैलेन्द्र नगर, जुन्ना राजेन्द्र नगर मार्ग के डामरीकरण बर दू करोड़ 51 लाख रुपिया अउ मठपुरैना-रावतपुरा चतुर्दिक मार्ग के डामरीकरण बर दू करोड़ 80 लाख रुपिया के प्रशासकीय स्वीकृति प्रदान करे गए हे।
लोक निर्माण विभाग ह जशपुर जिला म मस्कामारा-लवाकेरा मुख्य मार्ग बर एक करोड़ 81 लाख रुपिया, राज्यीय राजमार्ग-17 ले पुटकेला पहुंच मार्ग बर दू करोड़ 89 लाख रुपिया, बस्तर जिला के खंडसरा-सारेगांव मार्ग बर दू करोड़ 95 लाख रुपिया, सोनारपाल-चपका मार्ग बर दू करोड़ 96 लाख रुपिया, करंदोला रानीगुड़ा ले राष्ट्रीय राजमार्ग-30 तक सड़क निर्माण बर एक करोड़ 66 लाख रुपिया अउ सूरजपुर जिला के श्रीराम वनगमन रस्ता के मिसिंग कड़ी मार्ग रकसगंडा जलप्रपात पहुंच मार्ग बर दू करोड़ 54 लाख रुपिया मंजूर करे गए हे। रायपुर के सिविल लाइन स्थित नवीन थिरावन भवन म फर्नीचर अऊ फिनिशिंग संबंधी काम बर विभाग कोति ले दू करोड़ 98 लाख 49 हजार रुपिया स्वीकृत करे गए हे।
लोक निर्माण विभाग कोति ले सड़क बनवाए बर 36.61 करोड़ रुपिया मंजूर
