उपमुख्यमंत्री श्री विजय शर्मा ह पुलिस अउ प्रशासनिक अधिकारी मन बर आयोजित एकलव्य शूटिंग प्रतियोगिता के करिन शुभारंभ

रायपुर, 23 फरवरी, 2024। उपमुख्यमंत्री अउ गृहमंत्री श्री विजय शर्मा बीते दिनन म रक्षित केंद्र रायपुर स्थित एकलव्य शूटिंग केंद्र अउ शस्त्र प्रशिक्षण केंद्र म छत्तीसगढ़ के पुलिस अउ प्रशासनिक अधिकारी मन बर आयोजित एकलव्य शूटिंग प्रतियोगिता के शुभारंभ करिन । ए प्रतियोगिता म राज्य के आईएएस, आईपीएस, आईएफएस संग पुलिस के अधिकारी अउ जवान मिलाके लगभग 130 मनखे एयर रायफल, एयर पिस्टल प्रतिस्पर्धा म हिस्सा लीन। ए बेरा म उपमुख्यमंत्री श्री विजय शर्मा ह कहिन कि ये प्रतियोगिता एक नवाचार अऊ अभ्यास हे। ए प्रतियोगिता के माध्यम ले भविष्य म बड़े आयोजन म हम जरूर मेडल जीतके आबो। उमन कहिन कि टारगेट शूटिंग न केवल आप मन ल सक्रिय रखे बर एक शानदार खेल हे बल्कि ये आत्म-सम्मान आत्मविश्वास घलोक पैदा करथे। शूटिंग खेल ल अपनाए ले कई शारीरिक लाभ होथे। ताकत सहन शक्ति संतुलन हाथ अऊ आंख समन्वय अऊ बढ़िया कौशल एखर कुछ लाभ हे। ए अवसर म पुलिस महानिरीक्षक रायपुर श्री अमरेश मिश्रा, पुलिस अधीक्षक श्री संतोष सिंह संग पुलिस अउ प्रतिभागी अधिकारी उपस्थित रहिन।
जानबा हे कि पुलिस अधिकारी, जवान अउ आन सबो विभाग मन के राजपत्रित अधिकारी जिंकर शूटिंग म रूचि हे उन सबो अधिकारी अउ जवान मन बर रक्षित केन्द्र रायपुर स्थित एकलव्य शूटिंग रेंज अउ शस्त्र प्रशिक्षण केन्द्र म पुलिस विभाग के जम्‍मो अधिकारी अउ जवान अउ आन सबो विभाग के राजपत्रित अधिकारी बर ये प्रतियोगिता के आयोजन करे गए हे। ये प्रतियोगिता 25 फरवरी तक आयोजित होही।