सरकारी स्कूल ले दसवीं, बारहवीं पास करइया नोनी मन ल आगू पढ़ई बर मिलही 30 हजार रूपिया

उपमुख्यमंत्री श्री अरुण साव ह नवनिर्मित शासकीय शशिबाला अंग्रेजी-हिंदी उत्कृष्ट विद्यालय भवन के करिन लोकार्पण
रायपुर, उपमुख्यमंत्री अऊ लोकनिर्माण मंत्री श्री अरुण साव ह आज राजधानी रायपुर के गुढ़ियारी स्थित दानवीर भामाशाह वार्ड म 337.01 लाख रुपिया के लागत ले नवनिर्मित शासकीय शशिबाला अंग्रेजी-हिंदी माध्यम उच्चतर माध्यमिक उत्कृष्ट विद्यालय के लोकार्पण करिन। ए अवसर म उमन छात्र-छात्रा मनले आत्मीय गोठ बात करके ओ मन ल शिक्षा के प्रति प्रेरित करिन। उपमुख्यमंत्री श्री साव ह बताइन के छात्रा मन के पढ़ई जारी रखे बर सरकार ह महत्वपूर्ण फैसला लेहे हे। राज्य के विष्णु देव सरकार अब सरकारी स्कूल मन ले 10वीं-12वीं पास करइया छात्रा मन ल आगू महाविद्यालयीन पढ़ाई करे बर 30 हजार रूपिया के सहायता देही। उमन बताइन के सरकार के ए फैसला ले प्रदेश म छात्रा मनल अब आर्थिक तंगी के सेती अपन पढ़ाई बीच म नइ छोड़ना पर। छात्रा मन अपन पढ़ाई पूरा करके अपन सपना साकार कर सकहीं।
ए मौका म महापौर श्रीमती मीनल चौबे, नगर निगम सभापति श्री सूर्यकांत राठौर वार्ड पार्षद श्रीमती रामहिन कुर्रे अऊ श्री रमेश सिंह ठाकुर, नगर निगम आयुक्त  संग आन स्थानीय जनप्रतिनिधि गण उपस्थित रहिन।