उप मुख्यमंत्री श्री अरुण साव लोक निर्माण विभाग के अभियंता मन के प्रशिक्षण म होइन सामिल

रायपुर, 27 फरवरी 2024। उप मुख्यमंत्री श्री अरुण साव आज बिहनिया लोक निर्माण विभाग के अभियंता मन के प्रशिक्षण म सामिल होइन। रायपुर के सिविल लाइन स्थित नवीन थिरावन भवन म सीएसआईआर-सीआरआरआई कोति ले लोक निर्माण विभाग के सहायक अभियंता, अनुविभागीय अधिकारी मन अऊ उप अभियंता मन बर तीन दिन के प्रशिक्षण के आयोजन करे गीस। विभागीय अभियंता मन ल रोड सेफ्टी ऑडिट अऊ सड़क सुरक्षा ले संबंधित विषय म प्रशिक्षण देहे जात हे।
उप मुख्यमंत्री अउ लोक निर्माण मंत्री श्री अरुण साव ह तीन दिन के प्रशिक्षण के शुभारंभ सत्र ल संबोधित करत कहिन कि सड़क गुणवत्तापूर्ण होए के संग सुरक्षित घलोक होए चाही। सड़क मन के निर्माण के समय सुरक्षा संबंधी सबो उपाय अऊ प्रावधान के कड़ाई ले पालन सुनिश्चित करे जाना चाही। उमन उम्मीद जताईन कि विभाग के अभियंता मन बर ये प्रशिक्षण काफी उपयोगी होही अऊ ओ मन रोड सेफ्टी ऑडिट अउ सड़क सुरक्षा के बारीकी अउ व्यावहारिक व्यवस्था ल अऊ जादा बेहतर तरीका ले जान-समझ पाहीं। प्रमुख अभियंता श्री के.के. पिपरी अऊ वरिष्ठ विभागीय अधिकारी घलोक प्रशिक्षण के शुभारंभ सत्र म मौजूद रहिन।