सड़क परियोजना मन के करहीं अवलोकन, सड़क निर्माण तकनीक के लेहीं जानकारी
एशियन डेवलपमेंट बैंक के कार्यशाला म घलोक होही सामिल
रायपुर, 10 सितमबर 2024। उप मुख्यमंत्री अउ लोक निर्माण मंत्री श्री अरुण साव एशियन डेवलपमेंट बैंक के नेउता म नौ दिन के अध्ययन दौरा म सोमवार के देर रात अमेरिका बर रवाना होइन। लोक निर्माण विभाग के सचिव डॉ. कमलप्रीत सिंह घलोक ऊंखर संग जावत हें। दुनों सोमवार रात साढ़े 11 बजे के नइ दिल्ली-न्यूयॉर्क फ्लाइट ले अमेरिका बर रवाना होइन। ओ मन अमेरिकी समय के मुताबिक मंगलवार बिहनिया 06:20 बजे न्यूयॉर्क पहुंचहीं।
उप मुख्यमंत्री श्री अरुण साव अपन अमेरिका अध्ययन प्रवास के समय न्यूयॉर्क, वाशिंगटन, केलिफोर्निया अऊ सेन फ्रांसिस्को म सड़क परियोजना मन के भ्रमण करहीं अऊ सड़क निर्माण तकनीक के जानकारी लेहीं। ओ मन ए बेरा म एशियन डेवलपमेंट बैंक कोति ले आयोजित कार्यशाला-सह-प्रशिक्षण म घलोक भाग लेहीं। ओ मन उहां उन्नत सड़क परियोजना मन के संगेच अच्छा गुणवत्ता के सड़क निर्माण अऊ छत्तीसगढ़ म ए मन ल लागू करे के संबंध म चर्चा करहीं। श्री साव 18 सितमबर के भारत लहुटहीं।