रायपुर, ०२, जनवरी २०२४। उप मुख्यमंत्री अउ गृह मंत्री श्री विजय शर्मा आज बिहनिया राजधानी रायपुर के श्री नारायणा अस्पताल पहुंचिन। उहां उमन नवंबर दिसंबर महिना म बस्तर इलाका म आईईडी ब्लास्ट म घायल जवान मन ले मिलिन। उंखर हाल-चाल जानिन अऊ शीघ्र स्वास्थ्य लाभ के कामना करिन। हॉस्पिटल म छत्तीसगढ़ पुलिस के 4 जवान श्री अरविंद एक्का, श्री कुंजाम जोगा, श्री रोशन हिकमी अऊ श्री सुरेश कुमार मिच्छा अऊ सीएपीएफ के जवान श्री इंद्रजीत प्रसाद सिंह अउ मणिकांदन के ईलाज चलत हे। श्री शर्मा ह घायल जवान मन ले कहिन कि कोनो प्रकार के सहायता आदि के जरूरत होही तो मोर से सम्पर्क कर सकत हव, संगेच उमन चिकित्सक मन ले बेहतर स्वास्थ्य सुविधा देहे खातिर चर्चा करिन।
ये बेरा म आरंग के विधायक गुरु खुशवंत साहेब, डीजीपी श्री अशोक जुनेजा, पुलिस प्रशासन के वरिष्ठ अधिकारी डॉ. सुनील खेमका अउ हॉस्पिटल के वरिष्ठ चिकित्सक उपस्थित रहिन।