दुख के घड़ी म छत्तीसगढ़ सरकार शहीद जवान के परिजन के संग हे – उपमुख्यमंत्री श्री विजय शर्मा

दुर्ग, 26 फरवरी, 2024। उपमुख्यमंत्री श्री विजय शर्मा ह बीजापुर जिला म होए आईईडी ब्लास्ट म शहीद जवान श्री राम आशीष यादव ल भिलाई पहुँचके नमन करत श्रद्धासुमन अर्पित करिन अऊ पार्थिव शरीर ल कंधा देके पैतृक ग्राम उत्तरप्रदेश बर रवाना करिन। उपमुख्यमंत्री ह शहीद जवान के परिजन के प्रति अपन संवेदना व्यक्त करत कहिन कि ए दुख के घड़ी म पूरा छत्तीसगढ़ सरकार ऊंखर परिजन के संग हे। श्री राम आशीष यादव ह अदम्य साहस के परिचय देवत वीरगति प्राप्त करे हे, उंखर शहादत ल नमन हे।
उपमुख्यमंत्री ह आगू कहिन कि जवान मन के शहादत ल व्यर्थ नइ जान दन। ये जेन आईईडी विस्फोट होथे एखर से क्षेत्र के विकास, स्वास्थ्य, शिक्षा अऊ मूलभूत सुविधा प्रभावित होथे। छत्तीसगढ़ राज्य म जब ले विष्णुदेव साय के सरकार बने हे, नक्सली मन के विरूद्ध लड़ाई तेज हो गए हे। माओवाद प्रभावित इलाका मन म सुरक्षा बल मन के प्रभावी कार्यवाही अऊ दखल के चलते नक्सली मन के पांव उखड़े लगे हे। हमर सरकार माओवाद प्रभावित क्षेत्र के विकास चाहथे, एखर बर हमन नियद नेल्लानार योजना लाए हन। ए गांव मन म सबो परिवार ल विशेष पिछड़ी जनजाति के समान प्रधानमंत्री आवास योजना के तहत आवास सुविधा, सबो ल राशन कार्ड, सबो ल फोकट म चावल, चना-नमक, गुड़ अऊ शक्कर, उज्ज्वला योजना के तहत फोकट म गैस सिलेंडर, आंगनबाड़ी, सामुदायिक भवन, उप स्वास्थ्य केन्द्र, प्राथमिक शाला, किसान मन ल सिंचाई बर बोरवेल संग सिंचाई पम्प, हैंड पंप, सोलर पंप, हर गांव म खेल मैदान, फोकट म बिजली, बैंक सखी, एटीएम, कौशल विकास, वन अधिकार पट्टा, मोबाईल टावर, डीटीएच अउ टीवी, हेलीपैड अउ ब्लाक मुख्यालय तक बस सुविधा जइसे सुविधा प्रदान करे जाही। सबो गांव ल बारहमासी सड़क ले जोड़े के घलोक लक्ष्य रखे गए हे।