32.6 लीटर मउहा दारू जब्त, दू आरोपी गिरफ्तार

रायगढ़, आबकारी विभाग रायगढ़ कोति ले अवैध शराब के विरुद्ध करे गए कार्रवाई म कुल 32.6 लीटर महुआ शराब जब्त करके दू आरोपी मन ल गिरफ्तार करे गए हे। दुनों आरोपी मन ल न्यायिक रिमांड म जेल भेजे गए हे।
मिले जानकारी के मुताबिक, कांटाहरदी के रहवइया श्याम बाई सिदार, उमर 48 साल, पति स्व. राधेश्याम सिदार के कब्जा ले 10 लीटर मउहा दारू बरामद करे गीस। आरोपी के विरुद्ध संबंधित धारा मनके तहत अपराध दर्ज करके न्यायिक रिमांड म जेल भेजे गीस। अइसनहे, ग्राम देलारी मुख्य मार्ग म वाहन मन के सघन जांच के समय एक लाल-काला रंग के एचएफ डीलक्स मोटरसाइकिल ल रोकके तलाशी लेहे गीस। तलाशी म मोटरसाइकिल ले 113 नग पॉलिथीन पाउच (प्रत्येक म 200 मि.ली.) म भरे कुल 22.600 लीटर मउहा दारू बरामद करे गीस। ग्राम देलारी थाना पूंजीपथरा के रहवइया आरोपी नवीन यादव ल गिरफ्तार करके न्यायिक रिमांड म जेल दाखिल करे गीस। ये कार्रवाई म आबकारी उप निरीक्षक अंकित अग्रवाल, मुख्य आरक्षक तुलेश्वर राठौर, आरक्षक कुलदीप ठाकुर, अनिशा तिर्की अऊ शिव गोस्वामी के सक्रिय भूमिका रहिस।
रायगढ़ जिला के प्रभारी सहायक आयुक्त आबकारी के कहना हे के जिला म शराब के अवैध कारोबार परिवहन अऊ भण्डारण के विरुद्ध जांच-पड़ताल के ये अभियान सरलग जारी रहिही अऊ दोसी मन के विरुद्ध कठोर कार्रवाई करे जाही।