शिक्षा विभाग के अधिकारी मन ह करिन जांच: रॉयल किड्स बोरसी, सेंट जेवियर हनोदा, शारदा विद्यालय रिसाली म बलाए गए रहिस पीटीएम
दुर्ग, 14मार्च 2020। राज्य शासन के हुकुम के मुताबिक कोरोना वायरस के संक्रमण के रोकथाम बर 31 मार्च तक सबो स्कूल मन म सबो प्रकार के शैक्षणिक गतिविधि बंद करे अउ छुट्टी देहे के हुकुम जारी करे गए हे। ये आदेश के अनुपालन के संबंध म शिक्षा विभाग के टीम ह कई ठन स्कूल ममन म उदुपहा जांच करिन। टीम ह पाइस के रॉयल किड्स स्कूल बोरसी, सेंट जेवियर स्कूल हनोदा, शारदा विद्यालय रिसाली म पीटीएम चलत हे। जिला शिक्षा अधिकारी श्री प्रवास सिंह बघेल ह बताइस के आरटीई एक्ट के अंतर्गत ए स्कूल मन उपर नियमानुसार कार्रवाई करे जाही। उमन कहिन कि शासन के हुकुम के अनुपालन म बारीक नजर रखे जात हे। एकर उल्लंघन पाए जाय म नियमानुसार कार्रवाई करे जाही।
